Saturday, February 9, 2013

ලංකාවේ නාඩගම් නාට්‍ය ගීත (MP3 Download)

නුවර යුගයේ  සිටි රජවරුන් සමග විවාහ වීමට ඉන්දියාවේ සිට ගෙනා රජ කුමරියන්  සමග සිදුවූ සංස්කෘතික හුවමාරුවක ප්‍රතිපලයකි නාඩගම් කලාව.  දකුණු ඉන්දියාවේදී  මෙය භගවතී මේලා ලෙසද තුරුකුත්තු හෙවත් විදි නාට්‍යය ලෙසද හැඳින්වේ. මේ  නාඩගම් කලාව යාපනය , මීගමුව , කොළඹ , මාතර , වැලිගම , තංගල්ල   ආදී ලංකාවේ වෙරළාශ්‍රිත ප්‍රදේශ වල අතීතයේ බොහෝ ජනප්‍රිය ව පැවතුනි.  

නාඩගම් නාට්‍ය කලාව බටහිර ඔපෙරාවනටද චීනයේ පීකින් නාට්‍ය කලාවටද සමානකම් දක්වයි. දකුණු ඉන්දියාවේ ඉතාමත් ජනාදරයට පත්ව පැවති  හරිශ්චන්ද්‍ර නම් නාට්‍යය ලංකාවේ ප්‍රථමවරට වේදිකා ගත කරන ලද නාඩගම් නාට්‍යය ලෙස ඉතිහාස ගතව ඇත. මුල්කාලයේ මේ නාට්‍යයන් බොහොවක් වේදිකා ගත කරන ලද්දේ ද්‍රවිඩ අධ්‍යක්ෂක  වරුන් විසිනි නමුත් 1801 දී ප්‍රථම වරට මෝදර පේදුරු සිල්වා විසින් හරිශ්චන්ද්‍ර නාට්‍ය සිංහලට පරිවර්තනය කොට වේදිකා ගත කිරීම තවත් බොහෝ සිංහල නාඩගම් නාට්‍යයයනට මග හෙළිකර දීමක් විය. 

ක්‍රිස්තු වර්ෂ 1770 දී උපත ලද පිලිප් සිඥෝ මහතා ලාංකික  නාඩගම් කලාවේ පියා ලෙස සැලකුම් ලබයි.   නාට්‍ය රචකයෙක් ලෙස නමක් දිනා ගත එතුමා ප්‍රථම සිංහල නාඩගම් නාට්‍යය රචනා කල තැනැත්තා ලෙසද සැලකේ. 

මුල් කාලයේදී නාඩගම් නාට්‍ය කලාවට බොහෝ කොට ක්‍රිස්තියානි ආභාෂය  ලැබුයේ  නාඩගම් රචකයන් බොහොවෙක් ක්‍රිස්තියානි වූ බැවිනි. නමුත් පසු කාලයකදී බෞධාගමික කතාවන්ද නාඩගම් රචකයනට වස්තු බිජ විය.
  
රඟපෑම් කලාව :
මුලදී දින හතක් පුරා රඟ දැක්වූ නාඩගම් නාට්‍ය පසුකාලයේදී ක්‍රමයෙන් කෙටිවී ගොස් එක  රාත්‍රියකට සිමා විය. හොඳින් ගායනය පුහුණු  නොකලෙකු හට නාඩගම් නාට්‍යයක රඟපෑම කල නොහැකිය. පොතේ ගුරු කතාව විස්තර කොට අවසානයේදී පත්‍රයා බෙර තාලයට පා තබමින් වේදිකාවට පා නගයි.

වේදිකාවට පැමිණි පසු හෙතෙම  ගායනයකින්  තමන් හඳුන්වා දීම කරයි. මුල් කාලයේදී ස්ත්‍රී චරිත රඟපාන ලද්දේ පුරුෂයන් විසින් වුවත් වර්තමානයේ එය එසේ නොවේ.  පුරාණයේ තිරගත වීමට නියමිත නාඩගම් නාට්‍යය ජනයාහට  දැනුම් දීම සඳහා උපයෝගී කරගෙන ඇත්තේ අඬබෙරයයි .  

නාඩගම් නාට්‍යයක පාද තබා ගමන් කරන විලාසය ගායනය තරමටම වැදගත්කමක් උසුලයි. පොතේ ගුරා ගායනයක් මගින්  චරිතයක් හඳුන්වා දීමේදී එම හඳුන්වා දෙන චරිතයන් වේදිකාවට සම්ප්‍රාප්ත වන්නේ ඒ ඒ චරිතයනට ආවේනික පාද තැබීමේ රටාවකිනි.  නාඩගම් සංගීතය සරලය.  ආකාර 24ක් පමණ ඇත. කර්ණාටක සංගීතයෙන් ආභාෂය  ලබා පසුකාලයේ  දේශීය උරුවකට සකස්ව  ඇත.  වර්තමානයේ මේ ගීත බොහොවක් ගැමි ගීත බවට අනුවර්තනය වී  ඇත.

නාඩගම රංග දක්වන වේදිකාව කරලිය නමි. කරලියට පසකින් ආවරණයක් ද ගොඩ නං වේ. කරලිය සහ එය පසකින් ගොඩනංවන මඩුව අතර ආවරණය පිණිස විවිධ චිත්‍රයන්ගෙන් වර්ණවත් කරන ලද  තිර එල්වනු ලැබේ. 

ක්‍රිස්තු වර්ෂ 1855 දී පමණ ගෘහස්ත වේදිකාවන්හි දී ද නාඩගම් නාට්‍ය රංග දැක්වීම ඇරඹිණි.  කොන්චි නම්  නාඩගම් නාට්‍ය එසේ වේදිකා ගත කරන ලද ප්‍රථම නාට්‍යයයි. නාඩගම් නාට්‍යයේ රජුගේ ආගමනයෙන් පසු ප්‍රථම අදියර නිමවෙන අතර ඉන්පසු දෙවන අදියර ඇරඹේ.  

චරිත :
  • පොතේ ගුරු :-  දේවාරාධනය සඳහා ගීතයක් ගයමින් කරලියට ප්‍රථමයෙන් පැමිණෙන පොතේ ගුරු රත්නත්‍රයන් අවසර ගෙන නාඩගම ප්‍රේක්ෂකයාට හඳුන්වා දෙයි.  
  • බහු බූතයා :- ( මට තාත්ත දාල  තිබිච්ච විහිළු  නමක් තමයි බහුබූතයා. අද තමා ඒ වචනයේ ප්‍රභවය දැන ගත්තේ. ) . හාස්‍යයෙන් ප්‍රේක්ෂකයන් ප්‍රාණවත් කොට ඔවුන්ගේ අවධානය ලබා ගැනීම උදෙසා බහු බූතයා ප්‍රථමයෙන් වේදිකාවට පිවිසේ.  
  • සෙල්ලම් ළමයා :- පෑනක් රැගෙන කරලියට එන සෙල්ලම් ළමයා බොහෝ අසු පිරු තැන් ඇති නුවණැති , ප්‍රියමනාප පෙනුමැති තැනැත්තෙකි. අභරණ පළඳා ඇත. 
  • දේශකයා :- නාඩගම විස්තර කිරීම මේ දෙදෙනාගේ කාර්යයයි. 
  • පණිවිඩ කරු :- රජුගේ වාසලෙහි අඬබෙර කරුවා.
  • හඬ දූතයෝ :- මොවුන්ගේ කාර්යය රජුගේ ආගමනය දැනුම් දීමයි.
  • ආසනේ විරිඳුව :- රජු හා ඇමතියන් කරලියට පැමිණ අසුන්ගන්න අවස්ථාවෙහි පොතේ ගුරු විසින් ගයන ගීයකි. 
මෙය ජනනි අමරසේකර මහත්මිය විසින් සන්ඩේ ඔබ්සවර් පත්‍රයේ පලකරන ලද  ලිපියක සිංහල පරිවර්තනයකි. මුල් ලිපියට මෙතනින් යන්න.

මුලාශ්‍ර - සිංහල නාඩගම්, විකිපීඩියා නිදහස් විශ්වකෝෂය
වැඩිදුර කියවීමට - සිංහල ගැමි නාටක,1969,මහාචාර්ය එදිරිවීර සරත්චන්ද්‍ර

නාඩගම් ගැන ලියල, කියවල  මොටද සින්දු ටිකක් නොඅහා... පහත දීල තියෙන ලින්ක් එකෙන් ගිහිල්ල ඩවුන්ලෝඩ් කර ගන්න.

MP3 format එකෙන්ම තියෙන හින්ද එකසැරේ සේරෝම ඩවුන්ලෝඩ් කරගෙන ෆෝන් එකට , iPod එකට ලෝඩ් කරගෙන අහන්නත් බාදාවක් නැහැ. iPad එකෙන් අහනවා නම් ඉතින් on-line ම ඉඳගෙන archive site එකේ තියෙන ප්ලයෙර් එකෙන් ම අහන්න පුළුවන්.

ගත්ත තැනත් කියන්න එපයි. මේවා ඔක්කොම වගේ ගත්තේ infolanka වෙබ් සයිට් එකෙන්. ආයි මොනවටද බොරු කියන්නේ. ඒ මහත්තුරු ඒ ගැන අමනාප නොවේවි කියල හිතනවා.ප්‍රශ්නයක් නම්  දැනුම් දෙන්න. contents ටික  ඉවත් කරන්නම්.

Usual specifics: Old Sinhalese Nadagam Music from Ceylon
Authors: Various Ceylonese Artists
Genre: Sinhala Nadagam Music
Language: Sinhala
Credits: These songs were taken from the infolanka.com web site.
Uploaded By: Tiraj Adikari
Copyright: All songs in this compilation should be in public domain.

Download/playback Information: 
  • To download individual files right click and select save as from the menu.
  • To download the whole list of files choose VBR ZIP from the left hand Play / Download options menu.
  • To listen on-line, select the file and click on play icon in the audio player located in the top right hand corner. 
Download Link : Click Here

1 comment:

  1. නාඩගම් ගීත...නියමයි. නවය වසරෙදි පෙරදිග සංගීතයට ඉගෙනගත්තට, මේක කියවල තමයි මතකය අලුත් වුණේ. නැත්නම් මෙලෝ දෙයක් මතක නෑ.

    "මට තාත්ත දාල තිබිච්ච විහිළු නමක් තමයි බහුබූතයා. අද තමා ඒ වචනයේ ප්‍රභවය දැන ගත්තේ." :P

    ReplyDelete